Кејт открива дека во март била на лечење од рак и дека била надвор од очите на јавноста поголемиот дел од оваа година. Но во емотивната видео порака таа кажува дека оваа година ѝ била неверојатно тешка и дека живтот каков што го знаете може да ви се промени во еден миг.
Според британските медиуми Кејт се опоравува, но сепак има уште долг пат до целосно лечење, а од кралската палата велат дека се уште не е можно да се каже дали Кејт се излечила од рак или не.
Принцезата од Велс ги опишува бурните денови од своето искуство со ракот како сложени, заплашувачки и непредвидливи.
„Со понизност, се соочувате со вашите сопствени слабости на начин на кој никогаш досега не сте размислувале и добивате нова перспектива за сè“, вели принцезата, во невообичаено лично видео снимено минатиот месец во Норфолк.
Видеото, снимено во есенски бои, покажува колку е задоволна што ја завршила оваа фаза од нејзиното лекување.
„Како што летото завршува, не можам да ви кажам колку ми е олеснето што конечно завршив со хемотерапија“, вели таа, видена како вози и пешачи со своето семејство.
Се очекува принцезата да се врати на своите должности подоцна оваа година.
Но, изворите од палатата исто така нагласуваат дека има уште долг пат до целосно закрепнување и дека принцезата ќе го стави својот главен фокус на своето здравје во текот на следните неколку месеци.
„Мојот пат до заздравување и целосно закрепнување е долг и морам да продолжам да живеам секој ден како што е“, вели таа.
Кејт додава дека и покрај тешките времиња, нејзиното искуство ѝ дало ново чувство на надеж и ценење за животот.
Нејзините здравствени проблеми започнале во јануари кога била хоспитализирана поради неодреден тип на операција на абдоменот.
Принцезата ја откри дијагнозата на рак во март, со видео порака во која се вели дека е на лекување и дека ќе и треба приватност додека закрепне.
Нејзиното прво јавно појавување оваа година беше на Color Salute во јуни, кога мавташе од балконот на Бакингемската палата, а последното во јули кога доби овации на Вимблдон додека присуствуваше на финалето во сингл за мажи.
Извор: Н1
