Во недела наутро:
Недела наутро сакам да спијам колку што можам повеќе. Секако доколку немам снимање или некоја проба, а често снимањата знаат да ми се за време на викенд.
Неделен ручек:
Доколку сум дома се знае, неделниот ручек е со семејството.
Неделно попладне:
Неделното попладне е резервирано за натпреварите на моите деца, Филип со кошарка, а Клеоника со одбојка.
Неделно опуштање:
Во принцип викендите ми се активни како и останатите денови од неделата. Како што кажав во мојата професија никогаш не постои викенд. Исто така и децата ми се големи и си имаат обврски, а јас секогаш сум тука за нив и да им бидам личен возач.
Недела навечер:
Ако немам обврски можам да си дозволам и јас малку да се опуштам со добра книга, некој текст што треба да го учам или евентуално да не правам ништо. Само да си лежам и ако наидам на нешто интересно на ТВ да изгледам некоја емисија или филм.
Недела во детството:
Недела во детството… хммм, најомразениот ден во неделата, ха ха ха… како и на секое дете. Сепак многу побезгрижно, поопуштено и релаксирано за разлика од сега.
