И покрај намалената продажба, оваа луксузна куќа, која првенствено е позната по своите парфеми, забележа силна побарувачка, особено во малопродажбата.
Падот на приходите се припишува на предизвикувачките макроекономски услови кои влијаеја на продажбата на некои пазари, рече Лина Наир, глобален извршен директор на Шанел. Како бренд стар 100 години, очекуваме подеми и падови, додаде Наир.
Челниците на познатиот бренд нагласуваат дека филозофијата за успех на оваа куќа отсекогаш била заснована на долгорочна перспектива, водена од едноставноста и квалитетот на производот.
Минатата година компанијата инвестираше во проширување на нови модни салони и бутици, нови производи и корисничко искуство. Проширена колекцијата на кармини Le Rouge, лансиран Sublimage La Lotion, сосема нова формула со поголема концентрација на активни состојки.
Како дел од кампањата, куќата Шанел се вклучи и во филмот „Блу де Шанел“ во режија на Мартин Скорсезе. Маргот Роби стана новата амбасадорка на познатиот парфем Шанел 5, за кој куќата вели дека отелотворува „светла и смела женственост“.
„Минатата година беше период на рекордни инвестиции, каде што дававме приоритет на набавките на недвижен имот, го подобривме искуството и експертизата на клиентите и ја унапредивме нашата амбиција за одржливост“, додаде Филип Блондио, глобален финансиски директор на Шанел.
„Зголемените инвестиции за над 40 проценти на 1,8 милијарди долари, одржување на високо ниво на активност за поддршка на брендот на повеќе од 2,4 милијарди долари, континуираното инвестирање во нашите луѓе директно влијаеше на профитабилноста. Во Шанел имаме долгорочна перспектива во сè што правиме“, заклучи Блондио.
Во согласност со овој пристап, компанијата ја задржа финансиската структура и билансот на состојба, што е клучно за зајакнување на брендот Шанел во иднина. Компанијата планира да инвестира уште повеќе во глобалната дистрибутивна мрежа во 2025 година, што вклучува понатамошно проширување на пазарите како Индија и Мексико и отворање на нови продажни капацитети во Кина, Јапонија и Канада.
