Во турскиот град Конија, вчеравечер, се урна четирикатница по сѐ уште неутврдени причини. Спасени се две лица, а за најмалку пет се уште се трага под руините на зградата, која е изградена во 1992 година и имала вкупно 14 станови.
https://twitter.com/i/status/1882858349030723987
На местото на несреќата веднаш пристигнаа итни служби кои продолжуваат со потрагата по преживеани. На социјалните мрежи се шириат шокантни снимки од самиот момент на урнувањето, а една од нив е објавена од турската новинска агенција DHA.
Истрага е покрената од тужителството за да се утврдат причините за оваа трагедија, која се случи само три дена по разорниот пожар во хотел во Турција во кој загинаа 79 луѓе.
