Нудистите во шпанскиот регион Каталонија возвраќаат против растечкиот тренд на туристи кои се сончаат со своите костими за капење, непочитувајќи го нудистичкиот карактер на плажите
Сегимон Ровира испрати писмо до неговата локална власт во име на Натуристичко-нудистичката федерација на Каталонија, која тој ја предводи, за да се жали на „дискриминацијата“ со која се соочува неговото движење.
„Претходно, луѓето доаѓаа на нудистичка плажа и или заминуваа или се соблекуваа“, изјави тој.
„Сега остануваат и го задржуваат својот костим за капење. Но, она што тие не го сфаќаат е дека, ако ги има многу, на крајот нам ни прават непријатно. Тоа е недостаток на почит“.
Државата Каталонија има повеќедецениска традиција на луѓе да се соблекуваат на плажите, но г-дин Ровира чувствува дека културата е компромитирана од туристите. Како резултат на тоа, тој рече дека нудистите сега исто така избираат да останат облечени.
Во писмото, тој бара каталонската влада да одржи состанок за „дискриминацијата со која се соочуваат нудистите на плажите“ на околу 50 плажи во регионот.
Покрај тоа, групата размислува за кампањи на социјалните мрежи, знаци, протести и понатамошни напори за подигање на свеста со цел плажите да ја сочуваат голотијата.
Ровира додава дека има нудисти кои престанале да одат на некои плажи бидејќи се преполни со луѓе кои ги носат своите костими за капење.
„Луѓето кои се голи не сакаат нивни фотографии да завршат на социјалните мрежи. Нема споредба помеѓу пливањето гол и во костими за капење. Послободни сте, помирни и опуштени“.
Извор: Evening Standard
