Полската кинематограферка Јоланта Дилевска, добитничка на специјалната „Златна камера 300“ на 45. ИФФК „Браќа Манаки“, на својот мастер клас зборуваше за својата љубов кон филмот, професионалниот пат и важноста на тимската работа.
Таа ја опиша камерата како метафизички елемент што овозможува „да се запре времето и да се создаде нешто извонредно“.
Дилевска го истакна искуството од снимањето на нејзиното ремек-дело „Во мрак“, каде визуелниот мрак, речиси апсолутен, го доловува ужасот на група Евреи во Втората светска војна.
Таа порача дека тимската доверба е клучна во создавањето на филм и ги советува младите да не се плашат да ризикуваат и да експериментираат.
