Нутриционистите сметаат дека фокусирањето на внесот на протеини навистина може да им помогне на луѓето кои се обидуваат да ослабат и не знаат како да ја планираат исхраната.
Исхраната богата со протеини создава чувство на ситост, што го намалува вкупниот внес на калории и го спречува прејадувањето. Затоа, конзумирањето на храна со висока содржина на протеини буквално помага во губење на тежината.
Како што објаснуваат експертите, дури 25 до 30 отсто од дневните калории треба да потекнуваат од извори на протеини. Понатаму, кога станува збор за протеините, тие препорачуваат таканаречени протеини со малку маснотии, кои имаат најдобар ефект врз слабеењето, односно ослободување од вишокот килограми.
Токму затоа диететичарите истакнуваат четири намирници кои според нив најдобро го поттикнуваат слабеењето кај луѓето.
ЈАЈЦА
Јајцата се важен извор на протеини. Протеините се потребни за создавање и обновување на клетките во организмот. Протеините учествуваат во градбата на мускулите, органите, кожата, косата како и на антителата и хормоните. Во составот на протеините влегуваат 20 различни аминокиселини. Од нив 9 есенцијални аминокиселини не можат да бидат создадени во телото и треба да се внесуваат преку исхраната. Јајцата се вбројуваат во малкуте храни кои што ги содржат овие девет аминокиселини. Пресметано е дека две средни по големина јајца го снабдуваат организмот со исто толку незаменливи аминокиселини, колку 80-100g месо.
ПИЛЕШКО МЕСО
Во 100 грама бело пилешко месо без коски има: 165 калории, 31 грам протеини, 4 грама масти (од кои 1 незаситени), 74 мг натриум. Ако сакате крцкаво пилешко со кожичката, тогаш нутритивната табела малку се менува: 197 калории и 8 грама масти (од кои 2 заситени). Само 100 грама пилешко месо дневно ги задоволува дневните потреби за железо, а ќе внесете и значителна количина витамин Б и цинк.
ЛОСОС
Во околу 85g зготвен лосос (не пржен) се содржат околу 150 калории, најголемиот дел од протеини (~22g), но и од масти (~7g). Лососот нема јаглехидратна содржина. Во однос на микронутритивниот состав, лососот изобилува со елементи кои често се во недостаток при модерниот начин на исхрана. Пред сè, се мисли на селен (57% од дневните потреби), потоа витамин Б6 (40% од ДП), витамин Б12 (речиси 50% од ДП во помалку од 100g риба), витамин Б3 (45% од ДП), витамин Д (над 100% од ДП со едно сервирање), но и омега 3 масни киселини (над 100% од ДП).
Извор: lepotaizdravje.rs
