Некои жени инвестираат вистинско богатство во парфеми, обидувајќи се да најдат траен и интензивен мирис. Меѓутоа, ако не го примениме како што треба, тие пари целосно се фрлаат. Не постои посебна формула за избор и нанесување на парфем, но постојат неколку трикови кои ќе го направат да трае подолго и поинтензивно, без да ја „гушиме“ околината кога ќе се појавиме во облак од парфем. Еве за што всушност се работи:
Правилна примена на парфем
Држете го шишето со парфем на растојание од околу 15-20 сантиметри од кожата и испрскајте го парфемот на пулсните точки. На нив поради топлината најдобро се развива мирисот и најинтензивно се чувствува. Ако парфемот е многу интензивен, можете да го испрскате на зглобовите и потоа со нежно движење да го префрлите на вратот.
За посилен мирис на кожата, обидете се да го нанесете парфемот преку лосион за тело или масло.
„Мирисот се врзува за маслата во вашата кожа, па нанесувањето после лосион за тело или масло создава подобра површина за да се врзат молекулите на мирисот. Мирисот трае најдолго кога вашата кожа е хидрирана, така што најдобро време за нанесување е веднаш по туширање или бањање“, објаснува Мелина Поли, извршен директор и ко-основач на Henry.
Избор на клучни места
Важно е да се изберат области од телото кои се природно топли и влажни, како што се внатрешноста на лактите, задниот дел од колената, градите и страните на вратот. Овие области овозможуваат вистинско уживање во парфемот. Во спротивно, горните ноти имаат тенденција да се оддалечуваат премногу брзо и може да ви се чини дека мирисот е премногу навреден или едвај забележлив.
