Лубениците се широко распространети на Блискиот исток, но нивното политичко значење доаѓа од боите: кората е зелена и бела, месото црвено, а семките црни – токму боите на палестинското знаме.
„Не смевме да се сликавме во црвена, зелена, црна и бела боја. Палестинското знаме беше забрането, а со него и боите на знамето“, објаснува палестинскиот уметник Сулејман Мансур.
Во 1980-тите години еден израелски офицер влегол во неговата галерија во Рамала, каде биле присутни повеќе уметници. „Обидуваше да не убеди да не создававме политичка уметност: ‘Зошто не сликате цвеќе, убаво цвеќе или голо тело? Дури и ќе купам нешто, знаете’“, раскажал Мансур за Al Jazeera во 2021 година.
Офицерот издал и наредба дека не смеат да организираат изложба на Западниот Брег или во Појасот Газа без дозвола од цензорската управа. „А ако сликам цвет, но во тие бои, што ќе направите тогаш?“ – го прашал некој. Одговорот бил јасен: „Дури и ако сликате лубеница, тоа ќе биде проблематично.“ Така, според Мансур, израелскиот офицер всушност дал идеја за симболот на лубеницата.
На палестинските територии, лубеницата може да се види на ѕидовите на куќи, на маици, на плакати и во уметнички галерии.
„Оваа слика потекнува од книга со палестински народни бајки за деца и раскажува за митско дете кое излегува од лубеница и може да зборува и да се однесува како возрасен човек“, напишал Мансур во октомври 2023 на својот Instagram профил. „Изгледа дека тоа не е мит – децата во Газа се принудени да созреваат порано.“
Според Палестинското академско здружение за меѓународни прашања (PASSIA), знамето е дизајнирано во 1916 година од Шериф Хусеин бин Али, емир на Мека. Во тоа време, денешна Палестина припаѓала на Отоманската империја. Знамето станало симбол на Арапското востание против Турците.
По повлекувањето на Британија во 1948 година, симболот повторно станал национално знаме на Палестинската држава. Меѓутоа, по Шестдневната војна во 1967 година, Израел го забранил користењето на знамето. Забраната била укината во 1993 година со Ослоскиот мировен процес, кога Израел и Палестинците се договараат за мирна коегзистенција.
Од инвазијата на Израел врз Газа по нападот на Хамас во октомври 2023, лубеницата се користи како политички симбол на пропалестинските протести и се шири на социјалните мрежи. За да избегнат бришење на објави, многу корисници наместо палестинското знаме поставуваат емотикон на лубеница.
Пред 7 октомври 2023 година, лубеницата во САД имала расистичко значење. Белците ја користеле за да исмејуваат црнците, пренесува Музејот на расистички претстави „Jim Crow“. По укинувањето на ропството во 1865 година, многу црнци заработувале со одгледување и продажба на лубеници. Белците ја користеле оваа слика за да ширaт предрасуди за лентност на црнците.
Извор: Index.hr
