Секој понекогаш може да има проблеми со спиењето, но ако тоа трае долго, може да има негативен ефект врз здравјето. Мелатонинот е хормон кој го регулира циклусот на спиење, а нивото на мелатонин се зголемува ноќе и се намалува наутро. Понекогаш се препишува како додаток на исхраната, но може да се најде и во некои намирници. Диететичарите објаснуваат дека консумирањето храна богата со мелатонин може да го зголеми нивото на мелатонин во телото, да го поддржи квалитетот на спиењето и да го подобри сонот.
„Мелатонинот се врзува за рецепторите во мозокот, го регулира кадијалниот ритам и го подобрува сoнот“, објаснува нутриционистката Рианон Ламбер.
Последните истражувања потврдуваат дека мелатонинот ја зголемува ефикасноста на сонот, додека некои студии ја поврзуваат секојдневната консумација на намирници кои содржат мелатонин со подобар сон и пониско ниво на депресија, пишува BBC.
Професор Глин Ховатсон го проучувал ефектот на сокот од вишња на сонот поради високото ниво на мелатонин што го содржи.
„Вишњата делува“, вели тој, но предупредува на високото ниво на шеќер во неа. Од друга страна, кивито, кое е богато со мелатонин и серотонин, има посилни докази дека го подобрува сонот.
„Јадењето две киви еден час пред спиење значително го подобрува квалитетот на сонот“, објаснува Ламбер.
Кои намирници содржат мелатонин?
Природни намирници богати со мелатонин вклучуваат ореви, семки, млеко, јајца, леб од цело зрно, печурки, интегрални житарки, тофу и чедар сирење, вели Ламбер.
„Јадењето на оваа храна пред спиење може умерено да го зголеми нивото на мелатонин, потенцијално скратувајќи го времето потребно да заспиете или подобрувајќи ја ефикасноста на сонот“, објаснува Ламбер, додавајќи дека ефектите зависат од индивидуалните фактори и способноста на телото да апсорбира мелатонин од храната.
Чаша млеко пред спиење може исто да го подобри квалитетот на сонот бидејќи млекото содржи триптофан, аминокиселина која се претвора во серотонин и мелатонин, вели Ламбер. Темната чоколада и овесната каша исто така се добар избор бидејќи содржат триптофан и други хранливи материи кои предизвикуваат сон, пренесува Index.hr.
Ламбер препорачува консумирање храна богата со мелатонин еден до два часа пред спиење. Сировата или непреработена храна генерално содржи повеќе мелатонин, додава Торнтон-Вуд.
