Во 2024 година, тим психолози од Универзитетот во Амстердам тестиpале едноставна, но моќна идеја: дали 14 посебно дизајнирани прашања од родителите можат да го зголемат чувството на љубов кај децата?
Истражувањето се базирало на добро документирани психолошки сознанија: чувството дека сте сакани од родителите е критично за здравјето и благосостојбата на децата. Наоѓањето начини да се негува тоа чувство може значајно да ги подобри семејните врски.
Претходни експерименти со возрасни покажале дека поставувањето длабоки прашања создава чувство на блискост. Методот е познат како „fast-friends procedure“ и стана популарен кога е тестиран и на романтични состаноци.
Во класичниот формат, паровите поставуваат длабоки, лични прашања како:
„Ако кристална топка би можела да ти каже вистината за тебе, твојот живот или иднината, што би сакал да знаеш?“
Овие прашања поттикнуваат луѓето да откријат повеќе за своите највнатрешни чувства, што ја засилува врската.
Примена кај родители и деца
Еди Брумелман и неговите колеги ја адаптирале постапката за деца на возраст од 8 до 13 години и нивните родители. Родителите поставувале прашања како:
- Ако можеше да патуваш каде било во светот, каде би сакал да одиш и зошто?
- Кое е најчудното нешто што некогаш си го доживеал?
- Кога последен пат се чувствуваше сам? Што те натера да се чувствуваш така?
Дискусиите траеле само девет минути, но децата значително повеќе се чувствувале сакани по разговорот. Не било само разговарањето како такво; обичните прашања, како омилен сладолед или филм, не создавале исти ефекти.
Брумелман забележал дека многу семејства никогаш претходно не зборувале за овие теми. Поставувањето значајни прашања ги поттикнувало членовите на семејството да ги откријат своите стравови и ранливости, вклучувајќи и теми како смртта.
Научна основа
Истражувањата покажале дека „самооткривањето“ – споделувањето лични информации – создава чувство на блискост. Методот „fast-friends“ е создаден за зајакнување на социјалната поврзаност и се покажа успешен во различни контексти, од студенти до интернет комуникација.
Физиолошки ефекти
Поврзаноста што ја чувствуваме кога зборуваме длабоко со некого се поврзува со опиоидниот систем на мозокот, кој ослободува ендорфини. Овој процес создава чувство на еуфорија и социјална блискост.
Истражувањата покажуваат дека кога овие природни патишта се блокирани (на пример со лекот налтрексон), луѓето тешко споделуваат интимни чувства и помалку уживаат во разговорот.
Применливост
Методот е ефективен и кај различни социјални групи и при физичка дистанца, како што се покажало во студиите со студенти на далечинско учење или луѓе со различни сексуални ориентации.
Главната лекција: можеби сме похрабри отколку што мислиме. Луѓето често се плашат да се откриваат, но тие стравови се обично неосновани.
Практична примена
Во секојдневните интеракции можеме да ја практикуваме самосподелбата. Родителите и децата треба да си поставуваат прашања, да даваат искрени одговори и да создадат рамноправна и доверлива атмосфера.
Правилното поставување прашања може да води кон подлабоки разговори и постојани блиски врски.
Извор: BBC
