Намалената изложеност на сонце, престојот во затворени простории и помалата физичка активност често го ослабуваат имунолошкиот систем. Но, според нутриционистката и авторка на кулинарски книги Емили Инглиш, постои природен и вкусен начин да му помогнете на телото — домашна пилешка супа со ѓумбир, лимон и зеленчук.
„Кога сте изморени, кога се враќате од патување или кога започнува сезоната на настинки — ова е јадењето што треба да го направите,“ вели Инглиш за Mirror.
Нејзиниот рецепт изобилува со витамини A и C, антиоксиданси и влакна, а се подготвува со едноставни состојки. Освен што ја зајакнува одбранбената моќ на телото, оваа супа го смирува грлото и го враќа енергетскиот баланс.
Состојки што ќе ви бидат потребни
- маслиново масло
- 1 кромид
- 2 моркови
- половина тиква
- 2 стапчиња целер
- 200 г шампињони
- 1 лажица паста од ѓумбир
- 2 чешниња лук
- гранче рузмарин
- 100 г ориз
- 1 пилешка коцка
- 2,5 л вода
- сок и кора од 1 лимон
- 2 јајца
- 250 г варено пилешко месо
Подготовка чекор по чекор
- Загрејте лажица маслиново масло во голем тенџере на средна температура.
- Додајте исечкан кромид, морков, тиква и целер со прстофат сол и динстајте 5 минути.
- Додајте шампињони и гответе додека не омекнат.
- Потоа додадете ѓумбир, исечкан лук, рузмарин и ориз. Промешајте и гответе уште две минути.
- Растворете пилешка коцка во 2,5 литри врела вода и додадете ја во тенџерето. Поклопете и варете околу 20 минути.
- Додајте пилешко месо и кора од лимон, па оставете да крчка уште пет минути.
- Во посебен сад изматете јајца со сок од лимон. Постепено додавајте малку врела супа за да не се згрутчат јајцата, а потоа смесата полека вратете ја во тенџерето.
- Мешајте додека супата не стане кремаста и свиленкаста, потоа исклучете ја ринглата.
Зачинете со сол и црн пипер по вкус и послужете веднаш.
Зошто оваа супа навистина помага
Комбинацијата на ѓумбир и лимон природно го стимулира имунитетот, додека пилешкиот бујон обезбедува хидратација и аминокиселини кои го олеснуваат дишењето.
Морковите и тиквата се богати со бета-каротен, а лукот е познат по своето антивирусно дејство.
„Телото понекогаш не бара лекови, туку топлина и исхрана. Оваа супа го дава и двете,“ вели Инглиш.
Извор:Index.hr
