Заедно со разни колачи од ореви и чоколадо, за време на празниците и за новогодишната прослава, многу луѓе одлучуваат да подготват тирамису, како мала промена, а ние ви донесуваме рецепт кој се припрема одма.
Тирамисуто е омилен италијански колач кој совршено го комбинира богатиот вкус на кафето, кремастото маскарпоне и нежниот бисквит, а за време на празниците станува неопходен десерт на секоја маса.
Рецепт за брзо тирамису
Неговата комбинација од слатко и горчливо, кремаста и лесна текстура го прави вистинско задоволство, а воедно им дава допир на софистицираност на едноставните и елегантни слоеви. За оние кои сакаат да уживаат во тирамису без многу готвење или подготовка, постои брза верзија која е исто толку вкусна и волшебна.
Состојки за 2 лица:
3 лажички инстант кафе
3 лажици ликер од кафе
250 г маскарпоне сирење
85 г кондензирано млеко
1 лажичка екстракт од ванила
4–6 колачиња
1 лажица какао за посипување
Подготовка:
Растворете го кафето во 2 лажици топла вода, додадете го ликерот од кафе и 75 мл ладна вода и оставете го на страна. Измешајте го маскарпонето, кондензираното млеко и ванилата со електричен миксер додека смесата не стане густа и кремаста. Исечете ги бисквитите на половина или скршете ги на парчиња и накратко потопете ги во подготвеното кафе.
Ставете неколку парчиња пандишпан на дното од чаши или чинии, премачкајте ги со крем и наросете со какао во прав. Повторете ги слоевите по желба и ставете го тирамисуто во фрижидер најмалку 1 час пред сервирање ако сакате добро да се излади.
