Прво, отстранете ги нивните скривалишта. Змиите претпочитаат темни, влажни и ладни места, како што се купишта дрва, стари даски, густи грмушки или несредена ниска живица. Истиот простор го привлекува и нивниот плен – глувците. За да го намалите ризикот од нивно населување, редовно косете ја тревата, скратете ја живата ограда, особено онаа која расте ниско до земја, и складирајте го огревното дрво и камењата на суво и подалеку од куќата и градината. Храната за миленици секогаш чувајте ја во добро затворени контејнери.
Можете да се обидете и со природни репеленти. Некои истражувања покажуваат дека змиите не ја поднесуваат содата бикарбона. Затоа, во мали купчиња распоредете сода низ градината и дворот. Ова е едноставен, евтин и природен начин за одбрана.
Конечно, имајте на ум дека природни непријатели на змиите се кучињата и мoрките. Кучињата реагираат силно кога почувствуваат присуство на змија, а мoрките не само што се огласуваат кога змија е во близина, туку и според народното верување, каде што има мoркa – таму нема змија. Тие се корисни и во борбата против глувци и други штетници.
