Алкохолот не влијае на сите луѓе подеднакво, а неговото влијание зависи од телесната тежина, колку често консумираме алкохол, полот, како и оброците.
Потребни се само неколку мините по консумирањето алкохол, за концентрацијата на алкохол во крвта да почне да расте. Околу 20 отсто од етанолот се апсорбира во крвотокот директно од желудникот, додека останатите 80 отсто се варат и преминуваат во крвотокот преку тенкото црево.
Поради тоа не се препорачува консумирање алкохол на празен стомак, бидејќи доколку во желудникот има храна, алкохолот ќе се апсорбира побавно и ќе достигне помала концентрација во крвта.
Во телото, етанолот се складира во ткивата богати со вода, како што се мускулите. Поради тоа, алкохолот побрзо делува на жените, бидејќи имаат помалку мусклуни ткива.
Но како влијае алкохолот врз нашето тело во зависност од тоа колку промили имаме во крвотокот?
До 0,3 промили
Крвните садови се шират и се личноста почнува да чувствува топлина. Истовремено се подобрува и расположението, бидејќи мозокот започнува да ослободува серотонин и ендорфин.
До 0,5 промили
Над оваа граница веќе е забрането да се вози. Расположени сте и ведри, помалку внимателни, со засилени емоции, како и можност за засилено однесување. Почнувате да зборувате повеќе и ве облева чувство на ведрина и еуфорија.
До 1,2 промили
Се намалуваат менталните способности и координацијата. Јазикот почнува да се заплеткува, а личноста има потешкотии да ги изговори зборовите кои сака да ги каже. Големата количина на алкохол го преоптеретува џигерот поради што се акумулира масно ткиво, а постојаното оптеретување го оштетува џигерот.
До 2 промила
Човек со толку многу алкохол во крвта веќе е пијан и ги губи повеќето моторни и ментални функции. Исто така станува и сексуално неспособен, бидејќи алкохолот ја прекинува работата на неуротрансмитерите во мозкот.
До 3 промили
Централниот нервен систем станува депресивен, личноста е успорена и можно е онесвестување. Поголема количина од три промили алкохол во крвта отвора сериозна опасност за труење со алкохол.
