Според најновата анкета на Евробарометар за ставовите на Европејците кон културата, речиси 8 од 10 граѓани ја сметаат културата за лично важна. Имено, 79% од испитаниците низ Европа изјавиле дека културата е важна за нив, што е пораст од 2% во споредба со претходната анкета во 2007 година.
Највисоки резултати се забележани во: Луксембург – 92%, Кипар – 89% и Италија – 89%
Најниски резултати имаат: Германија – 66%, Австрија – 62% и Романија – 61%
Но културата не е важна само на лично ниво. За повеќе од 8 од 10 Европејци, културата и уметноста се значајни за добросостојбата и економскиот развој на местото каде што живеат.
И тука, Луксембург (93%), Португалија (92%) и Италија (91%) се на врвот, додека Бугарија (77%) и Австрија (75%) се на дното од листата.
Културно учество на граѓаните
49% од Европејците учествувале во некоја уметничка активност во годината пред анкетата. Најчести активности биле: Танцување – 17% и пеење – 15%
Истражувањето е спроведено од февруари до март 2025 година, со повеќе од 26.000 испитаници од земјите-членки на ЕУ, од различни социјални и демографски групи.
Наодите ќе бидат искористени за „Културниот компас за Европа“, новата стратегија за културна политика на Европската комисија, која се очекува до крајот на годината.
