Jessie Buckley ја освои наградата за најдобра актерка на 98-то доделување на Academy Awards благодарение на својата улога во филмот Hamnet. Со оваа победа таа стана првата актерка од Ирска која ја добила најпрестижната филмска награда за главна женска улога.
При примањето на статуетката, 36-годишната актерка одржа исклучително емотивен говор и им се заблагодари на своето семејство и најблиските. Посебно се обрати до својот сопруг Фреди, кому му испрати љубовна порака која предизвика насмевки и аплауз во салата. Таа изјави дека тој е неверојатен татко и нејзин најдобар пријател, додавајќи дека со него би сакала да има „уште 20.000 деца“.
Во својот говор Бакли ја спомена и нивната ќерка Исла, која има осум месеци. Актерката со насмевка рече дека бебето веројатно воопшто не знае што се случува и веројатно само сонува за млеко, но истакна дека за неа ова е огромен момент. Таа додаде дека обожава да биде мајка и дека со нетрпение очекува да го открива животот заедно со своето дете.
Бакли и нејзиниот сопруг се во брак од 2023 година, а тој работи како експерт за ментално здравје и ретко се појавува во јавноста. Двојката се запознала на состанок на слепо во Лондон, кој го организирал нивни заеднички пријател. Иако актерката е постојано присутна на сцената и на филмското платно, таа приватниот семеен живот внимателно го чува подалеку од јавноста.
Филмот „Hamnet“, во режија на Chloé Zhao, е инспириран од романот на Maggie O’Farrell и нуди фиктивен поглед на животот на семејството на William Shakespeare. Во приказната, Бакли ја игра неговата сопруга Агнес, која се соочува со трагедијата по смртта на нивниот син, настан што подоцна го инспирира создавањето на славната драма Hamlet.
За престижната награда покрај Бакли беа номинирани и Rose Byrne за филмот „If I Had Legs I’d Kick You“, Kate Hudson за „Song Sung Blue“, Renate Reinsve за „Sentimental Value“ и Emma Stone за „Bugonia“.
