Оваа филозофија, создадена уште во XVI век во рамките на чајните церемонии и боречките вештини, денес е длабоко вградена во секојдневието на Јапонците.
Во идиличното село Магоме, сместено на античката патека Накасендо меѓу Токио и Кјото, Нина Оцубо Калдадо им ги пренесува на посетителите основите на оваа животна дисциплина. Во тишината на дрвените куќи и под звуците на ветерот што минува низ бамбусовите градини, таа објаснува дека суштината на „Ичиго Ичие“ е целосно присуство во сегашноста – без жалење за минатото и без страв од иднината.
Секое гледање, секој разговор, секоја шолја чај – според оваа филозофија – се случува само еднаш, дури и ако изгледа познато. Токму затоа, Јапонците учат да го почитуваат секој момент, да му пристапат со внимание, благодарност и мир.
„Ичиго Ичие“ не е само начин на размислување, туку начин на живеење – потсетник дека среќата не се наоѓа во иднината, туку во сегашниот миг, кој никогаш нема да се повтори.
Извор: BBC
