Јапонската премиерка Санае Такаичи денеска се всели во официјалната резиденција на премиерот на Јапонија, два месеца откако стапи на функцијата, јавуваат извори од нејзиниот кабинет за јапонската новинска агенција Кјодо.
Откако во октомври стана првата жена на премиерската функција во историјата на Јапонија, Такаичи секојдневно патуваше до премиерскиот кабинет со автомобил од парламентарното сместување во токискиот кварт Акасака, кој е оддалечен само неколку минути.
Иако првично планирала веднаш по преземањето на должноста да се пресели во официјалната резиденција, која се наоѓа на околу една минута пешачење од кабинетот на премиерот , нејзиниот густ дипломатски и парламентарен распоред го одложил преселувањето.
