Во време кога интернетот е преполн со строги диети, забрани и скапи третмани за слабеење, малкумина веруваат дека постои начин да се намали салото на стомак без да се откажат од омилената храна. Но американскиот доктор Ерик Берг, автор на „The Healthy Keto Plan“ и еден од најпознатите YouTube едукатори за исхрана со речиси 14 милиони следбеници, тврди дека решение постои — и е изненадувачки едноставно. Според него, клучот се крие во секојдневната консумација на јаболков оцет.
Д-р Берг објаснува дека проблемот со стомачното сало не започнува во стомакот, туку во црниот дроб. Кога овој орган е оптоварен или масен, вишокот масти „се прелева“ во пределот на стомакот. Компликацијата дополнително се влошува поради инсулинска резистенција – состојба во која телото не реагира правилно на инсулинот, што доведува до акумулација на маснотии. Според него, јаболковиот оцет содржи ацетична киселина која може да влијае токму врз овој механизам, со што го поддржува метаболизмот и го намалува таложењето маснотии.
Методата на докторот е едноставна: две лажици јаболков оцет растворени во околу 300 мл вода, три пати дневно, најдобро за време на оброците. Вели дека оваа количина на ацетична киселина може да помогне во процесот на разградување на мастите, но и да обезбеди подолготраен чувство на ситост, со што се намалува внесот на калории во текот на денот.
Тврдењата на д-р Берг добиваат поддршка и во повеќе истражувања. Како што наведува Healthline, бројни мали испитувања покажуваат дека јаболковиот оцет го продолжува чувството на ситост и може да го намали апетитот непосредно по оброк. Една анализа покажа дека учесниците кои консумирале оцет со оброк јаделе значително помалку храна во следните два часа.
Особено интересни се резултатите од рандомизирана контролирана студија од 2024 година, во која учесниците што пиеле јаболков оцет три пати дневно, цели 12 недели, изгубиле во просек од 6 до 8 килограми. Покрај губење на тежината, тие го намалиле обемот на стомак и колкови, како и нивото на масти, шеќер и холестерол во крвта.
Иако научниците предупредуваат дека потребни се дополнителни долгорочни студии, првичните резултати се охрабрувачки. Она што ја прави оваа метода привлечна за многумина е фактот што не бара екстремни промени во исхраната, ниту пак финансиски вложувања. Една мала навика, тврди докторот, може да донесе голема разлика.
Стручњаците сепак нагласуваат дека јаболковиот оцет не е магично решение кое само по себе ќе ги стопи маснотиите. Но може да биде силен и лесно достапен сојузник – особено кога е комбиниран со умерена исхрана и основна физичка активност. Во свет каде брзите решенија често се нереални, оваа навика е едноставна, евтина и поткрепена со наука – доволна причина многумина да ја пробаат.
