Овој трократен светски шампион во одење по слеклајн лента испиша нова страница во историјата на овој спорт – балансирање по 1074 метри долго јаже поставено на висина од 165 метри на мостот Босфор, кој ги спојува Азија и Европа.
Растојанието од нешто повеќе од километар, Jaan Roose успеа да го помине за 47 минути за што изјави:
„Крајно променливите временски услови и силните морски струи беа доволна причина за мене да сфатам дека мостот Босфор е вистинската локација за нов историски подвиг. Навистина сум пресреќен!”
Покрај тоа што е првиот човек кој со одење по слеклајн лента поминал од еден на друг континент, Jaan Roose е првиот човек во светот кој одеше по најдолгата осветлена слеклајн лента во Катар, реализираше зимско слеклајн минување на највисокиот водопад на Балтикот и уште многу други проекти и предизвици.
Со овој проект Jaan Roose уште еднаш докажа и покажа дека е вистинскиот човек за реализирање нови историски подвизи од кои застанува здив.
