Израелскиот министер за одбрана Израел Кац соопшти дека израелската војска извршила напад врз најголемиот петрохемиски комплекс во Иран и најави дека операциите ќе продолжат.
„Силно го нападнавме најголемиот петрохемиски комплекс во Иран во градот Аслује“, изјави Кац.
Тој додаде дека по овој, како и претходните напади, надвор од функција се објекти кои заедно сочинуваат околу 85% од иранскиот извоз на петрохемиски производи.
Клучна индустрија под удар
Според тврдењата на Кац, комплексот во Аслује учествува со околу половина од вкупното иранско производство на петрохемикалии, што го прави еден од најважните индустриски центри во земјата. Иранската полуофицијална новинска агенција Тасним објави дека биле нападнати две петрохемиски компании, но засега нема детали за обемот на штетата.
Кац порача дека израелската војска добила наредба да продолжи со нападите врз иранската инфраструктура „со полна сила“.
