„Овде можете да видите како (Израел) пресретнува еден од нашите бродови,“ изјави европратеничката Рима Хасан од Франција, која се наоѓа на едно од пловилата, во видео-објава на социјалните мрежи.
На директен пренос преку официјалниот канал на флотилата, членовите на екипажите на повеќе бродови беа снимени со елеци за спасување, седнати во круг и чекајќи го пресретнувањето.
Флотилата брои над 50 пловила и исплови во август. На нив се наоѓаат про-палестински активисти од целиот свет, меѓу кои и шведската активистка Грета Тунберг и неколку пратеници во Европскиот парламент.
Италијанската премиерка Џорџа Мелони претходно предупреди дека активностите на флотилата би можеле да го загрозат мировниот план за Газа предложен од американскиот претседател Доналд Трамп.
Меѓу пратениците што се наоѓаат на бродовите се италијанките Бенедета Скудери (Зелени) и Анализа Корадо (S&D), како и француските европратенички Мелиса Камара (Зелени) и Рима Хасан (Лев блок).
Извор: N1info.rs
