Изложбата „Цртеж. Експериментален цртеж“ на ДЛУМ ќе биде поставена во куќата на Борко Лазески

Денес во 20 часот, во куќата на Борко Лазески ќе биде поставена изложбата „Цртеж. Експериментален цртеж“. Изложбата која е во организација на ДЛУМ ќе биде отворена за посета до 10 мај. ДЛУМ дополнително ја воведува и темата – можност за осврт кон делото на Борко Лазески со идеја да се поттикнат современите автори за истражување и создавање на сопствени дела во релација со цртежите, но не и делото на еден од основоположниците на македонската ликовна уметност. Уникатна можност за синергија помеѓу авторите и просторот во кој творел и живеел великанот Борко Лазески, чие творештво останува да инспирира и поттикнува.