Во Домот на култура „Кочо Рацин“ во Скопје вечер ќе биде отворена самостојната изложба „Конфигурации“ на авторката Билјана Билбилоска. На изложбата ќе бидат изложени дела изработени во акрилна техника.
-Ликовните конфигурации се една сврзна точка на два света, внатрешниот, уметниковиот, и надворешниот, објективниот, кои преку субјективната опсервација, доаѓаат до перцептивни и емотивни варијабли, како и изразни бранувања низ субјективното во објективното. Авторката со својот изразен дискурс посочува констелација на асоцијативни визии и симболи, во постојано пребивање во виртуелен неопределен простор и време, детерминирано со акцентирани вектори кои ја артикулираат едновремено поетиката на колоратурните сегменти во преобликување и ја посочуваат симболиката на контекстот кој нè води низ сегментите и орбитите на едно загадочно соѕвездие, се вели во соопштението на авторката.
Како што се додава во соопштението, низ таа загадочна семантика провева како низ сфумато лиричноста на многуслојните расположенија во превирања додека избликот од звучни пигменти нурнува, понорува и пак за’ртува преобликуван во разнородни, секогаш видоизменети и поинакви флоскули, секвенци и симболи кои ги акцентират, детерминираат, посочуваат и артикулираат парадигмите, контроверзите и парадоксите под превезот на загадочните сегменти во аурата на контемплативното.
Изложбата е поддржана од Министерството за култура и туризам.
