На локалните избори на Косово до 11 часот гласале 7,41 отсто од граѓаните, а според податоците на Централната изборна комисија (ЦИК) во Приштина, од вкупно 2.025.105 лица запишани на избирачкиот список, до 11 часот гласале 158.691 граѓанин.
Овие податоци се од обработка на 94 отсто од избирачките места.
Претседателот на ЦИК, Крешник Радониќи, изјави на прес-конференција дека излезноста до 11 часот е пониска во споредба со претходните локални избори одржани во 2021 година. Тогаш, според неговите зборови, до 11 часот гласале 8,2% од гласачите.
Што се однесува до северниот дел на Косово, состојбата е следна:
- Во Лепосавиќ гласале 1.188 гласачи, односно 9,58% од вкупно 12.395 со право на глас на локалните избори.
- Во Звечан гласале 1.408 лица, односно 20,49% од 6.872 запишани гласачи.
- Во Зубин Поток досега гласале 1.180 граѓани, или 8,19% од вкупно 6.486 запишани.
- Во општина Северна Митровица право на глас искористиле 3.136 од 17.643 запишани гласачи.
