Lionsgate films објави нов трејлер за акцискиот трилер „Flight Risk“ во кој глумат Марк Волберг, Мишел Докери и Тофер Грејс. Филмот е режиран од Мел Гибсон, кој последен пат ја презеде улогата на режисер во 2016 година, кога работеше на успешниот филм Hacksaw Ridge.
Flight Risk исто така претставува нова соработка помеѓу Гибсон и Волберг, кои заедно глумеле во биографската драма Otac Stu од 2022 година. Сценариото за Flight Risk го напишал Џаред Розенберг.
Во трилерот, Волберг го игра пилотот Дерил Бут, кој е задолжен за транспорт на агентот на FBI Медлин Харис (Докери) и заштитениот сведок Винстон (Грејс), кој сведочи против мафијашка фамилија со која соработувал во минатото. Но, работите се комплицираат кога Харис и Винстон сфаќаат дека Бут е убиец испратен да го убие сведокот.
Flight Risk е продуциран од Гибсон, Џон Дејвис, Џон Фок и Брус Дејви.
Трејлерот ги поделил фановите
Новиот трејлер за Flight Risk собра скоро милион прегледи за 14 часа, но реакциите на обожавателите на социјалните мрежи се различни. Додека некои сметаат дека филмот би можел да биде голем хит, бидејќи го режирал Мел Гибсон, други се скептични, бидејќи трејлерот ја открива приказната на филмот.
Филмот Flight Risk излегува во кината на 24 јануари 2025 година.
