Италијанскиот радиодифузер Медиасет објави симулација на која се гледа колку брзо се проширил пожарот во барот Ле Констелашн во швајцарскиот скијачки центар Кран-Монтана, во кој загинаа 40 лица, а 116 беа повредени на новогодишната ноќ. Шокирани гледачи можеа да се слушнат во студиото по емисијата.
Според првичните резултати од истрагата, пожарот започнал откако прскалките за шишиња шампањ запалиле звучноизолациска пена на таванот на подрумот. Симулацијата ја покажала брзината со која пожарот се проширил низ таванот и го зафатил просторот, што, според истражителите, бил клучен момент во трагедијата.
Најмалку пет години без проверки
Властите потврдија дека објектот не поминал безбедносни проверки во последните пет години. Повеќето од загинатите биле млади, а осум жртви биле малолетници под 16 години. Многу од повредените се уште се во болница со тешки изгореници.
Адвокатот на сопственикот на барот, Жак Морети, рече дека неговиот клиент се чувствува одговорен како менаџер на објектот, но ја нагласи разликата помеѓу тоа чувство и кривичната одговорност.
Зборувајќи за контроверзната пена на таванот, Мишо рече дека материјалот е купен од „голем продавач на градежни материјали“ и дека неговиот клиент не бил информиран дека е запалив. „Тој не сакал да инсталира запалива пена. Сакал да инсталира таканаречена акустична пена“, додаде тој.
