Италијанскиот министер за внатрешни работи Матео Пјантедоси изјави дека Рим ја продолжи контролата на своите внатрешенгенски граници со Словенија до јуни следната година.
– Како и секогаш, зајакнувањето на контролите ќе биде спроведено на таков начин што ќе влијае што е можно помалку врз прекуграничниот сообраќај и увозот и извозот на стоки, посочи Пјантедоси.
Италија на 21 октомври минатата година повторно воведе привремена гранична контрола со соседна Словенија поради променетата ситуација во Европа и на Блиски Исток. Во јануари годинава ја продолжи контролата за уште шест месеци до 18 јуни, а потоа до 18 декември. Двете земји се дел од Шенген зоната.
Словенија, исто така, воведе контроли на внатрешните шенгенски граници со Хрватска и Унгарија во есента 2023 година. Во декември минатата година ги продолжи контролите до 22 јуни годинава, а потоа за уште шест месеци до 21 декември
