Франција во полн ек се подготвува за претстојните Олимписки игри, погрижувајќи се секој мал детаљ да биде совршен за таа пригода. Тие веќе имаат сработено сè, па дури и објавија нови поштенски марки кои туристите ќе можат да ги купат за да испраќаат разгледници.
Пред неколку дена, поточно на 16 мај, што е и празникот на Сен Оноре, заштитникот на пекарите и слаткарите, француската поштенска служба La Poste објави нова марка на која е насликана багет, леб кој е толку важна за француската култура која влезе на листата на нематеријално културно наследство на УНЕСКО.
Ако го изгребете, ќе ги почувствувате мирисате на популарниот леб
И додека самиот печат и цртежот на багетата на него изгледаат прекрасно, тоа не е речиси сè. Имено, ако малку изгребете на печатот, ќе го помирисате багетот, па ќе се чувствувате како штотуку да сте влегле во некоја од париските пекари, која е преполна со свежо испечени багети.
„Багетата, лебот на нашето секојдневие, симболот на нашата гастрономија, скапоцен камен на нашата култура. Багетата е длабоко вкоренета во француското секојдневие. Отелотворува ритуал, одење во пекара и ја јадат речиси дванаесет милиони луѓе секој ден“, стои во описот на брендот на веб-страницата на поштата.
Поштенската марка е специјално дизајнирана за меѓународни пакувања со тежина од околу 20 грама, а може да се купи во пошти и киосци низ земјава за околу 2 евра и доаѓа во ограничено издание од 594.000 примероци.
