Иран предупреди дека може да таргетира „економски центри и банки“ поврзани со американски и израелски субјекти во регионот, како одговор на, како што тврдат, напад врз една иранска банка.
Изјавата доаѓа од штабот Хатам ал-Анбија, структура поврзана со Иранската револуционерна гарда (IRGC). Според портпаролот на ова тело, последните напади врз ирански финансиски институции ѝ дале на Техеран „одврзани раце“ да возврати со напади врз економски цели.
„Непријателот ни остави одврзани раце во регионот да ги таргетираме економските центри и банките што им припаѓаат на САД и ционистичкиот режим“, изјави портпаролот.
Тој исто така предупреди дека луѓето во регионот треба да се држат подалеку од банки во радиус од еден километар, алудирајќи на можни напади врз финансиски институции.
