Работите започнаа пред две недели, и веќе се трасирани и тампнирани патеките на новиот мега парк.
Проектот, кој ветува да стане важен дел од зелената инфраструктура на градот опфаќа изградба на пешачки патеки, паркинг за посетителите, нова урбана опрема, а планирани се и паркови за миленици. Овие елементи не само што ќе го подобрат изгледот на просторот, туку и ќе поттикнат активен начин на живот и дружење помеѓу жителите.
Во Скопје, процесот на обнова и уредување на запуштените простори добива нова димензија, со проектот за претворање на некогаш непристапниот и обраснат терен во урбана зелена зона. Оваа иницијатива, дел од програмата „За модерно Скопје“, е насочена кон долгорочно унапредување и заштита на животната средина, со акцент на создавање на квалитетен простор за сите граѓани.
Значајно е да се напомене дека во овој појас во минатото беше дислоциран шутот од скопскиот земјотрес во 1963 година, што го прави не само простор на актуелните проекти, туку и место со историја. Оваа трансформација на просторот е добредојдена, особено во контекст на зголемената потреба за зелени површини во урбаниот амбиент, каде што квалитетот на воздухот и животната средина е постојано во фокусот на вниманието.
Важно е да се напомене дека реализацијата на вакви иницијативи е неопходна за подобрување на животниот стандард на граѓаните. Обновата на овој простор е само еден од многуте чекори кон создавање на поелегантно и поодржливо Скопје.
Иако проектот беше најавен од претходните градски и општински власти, Петре Шилегов и Стефан Богоев, тие своевремено не го реализираа. Ќе видиме и сегашните власти до каде ќе стигнат со негова реализација.
Секој нов парк или зелена површина е значајно додадена вредност за општеството, но потребно е континуирано вложување и грижа за овие простори, за да тие навистина станат места за одмор и уживање, а не само дел од програмите на градските власти. Како и секоја иницијатива, успехот на овој проект ќе зависи од тоа колку локалната самоуправа и самите граѓани ќе се посветат на неговото одржување и развој.
Преземено од Рацин.мк
