На социјалните мрежи брзо се прошири видеото на кое се гледа како локален полицаец го исклучува микрофонот на Ширан на преполната улица во Бангалор.
Официјални лица изјавија за новинската агенција АНИ дека барањето од тимот на Ширан да свири на улица беше одбиено за да се избегне гужва во областа.
This cop deserves a raise 😂😂 Bangalore doesn't need another traffic jam caused by a performer , be it Ed Sheeran. pic.twitter.com/FPcilRhg5J
— Shaani Nani (@shaaninani) February 9, 2025
Но, Ширан на Инстаграм рече дека „имале дозвола да настапуваат“.
„Затоа нашиот настап на таа локација беше однапред испланиран. Не случајно се појавивме овде. Но, се е во ред. Се гледаме вечерва на концертот“, додаде тој.
Инцидентот се случи во пресрет на неговиот настап на стадионот NICE Grounds во Бангалор како дел од турнејата на Ширан.
Ширан е во Индија втора година по ред како дел од 15-дневна турнеја. Досега има настапувано во индиските градови Пуне, Хајдерабад и Ченаи, а закажани се дополнителни концерти во Шилонг на североистокот на земјата и во главниот град Делхи.
Побарувачката за концерти расте во Индија, а најголемата турнеја на Ширан во земјата доаѓа по неодамнешните настапи на Дуа Липа во Мумбаи и градската турнеја на Колдплеј.
