Индиската полиција поднесе кривична пријава против лидерот на политичка партија и познат тамилски актер Виджај, поради трагедијата во која загинаа 39 лица во стампедо на негов политички собир, потврди денес висок полициски функционер од индиската сојузна држава Тамил Наду, каде што се случи инцидентот.
Според извештаите, повеќе од 50 лица се повредени, а меѓу загинатите има и деца. Настанот се случил вчера во јужната индиска држава Тамил Наду, каде што Виджај ја водел кампањата за својата партија Tamilaga Vetri Kazhagam (TVK), во пресрет на државните избори закажани за почетокот на следната година.
Полицијата на Тамил Наду поднела кривична пријава – прв чекор кон можни обвиненија – против високи членови на партијата TVK, вклучувајќи ги Буси Ананд, Нирмал Кумар и В.П. Матиалаган, изјави полицискиот службеник В. Селварај.
Истражната постапка е во тек.
