Далноводите се клучна компонента на електроенергетските системи. Тие пренесуваат електрична енергија од местото на производство до трансформаторските станици, односно дистрибутивната мрежа.
Далноводите станаа составен дел од модерниот пејзаж. Иако се клучни за преносот на електрична енергија, тие често се критикувани за нарушување на природната средина. Австрискиот оператор на преносниот систем Austrian Power Grid (APG) одлучи да ја промени таа перцепција. Преку иницијативата Austrian Power Giants, дизајнираше далноводи во форма на елени и штркови, животни што ги симболизираат австриските региони.
Далноводите се клучна компонента на електроенергетските системи. Тие пренесуваат електрична енергија од местото на производство до трансформаторските станици, односно дистрибутивната мрежа.
Овие системи се состојат од спроводници, столбови, изолатори, темели и заземјување. За да можат спроводниците да пренесуваат електрична енергија, столбовите или кулите ги држат на безбедна висина над земјата, спречувајќи контакт со земјата, вегетацијата или зградите. Столбовите обично се направени од челик.
Денес, тие се присутни речиси насекаде, а критичарите истакнуваат дека тие го оштетуваат природниот пејзаж и се симбол на инфраструктурно зафаќање на просторот.
Операторот на австриската преносна мрежа Austrian Power Grid, во соработка со дизајнерското студио GP-Designpartners и градежниот партнер Baucon, ја започна иницијативата Austrian Power Giants за претворање на енергетската инфраструктура во уметнички елементи на пејзажот. Се предлага стандардните конструкции да се заменат со огромни животински скулптури, така што секоја од нив симболизира специфичен австриски регион и да воспостави врска помеѓу технологијата, природата и локалниот идентитет.
На пример, маскотата на австрискиот регион Бургенланд е штрк, додека елен ја претставува Долна Австрија. И двата концепта беа тестирани статички и електротехнички за да се утврди изводливоста.
Се очекува дека овие дизајни, инспирирани од природата, можат да го зголемат јавното прифаќање на проектите за проширување на електричната мрежа во одредени региони и да станат симболи на инфраструктура инспирирана од дивиот свет. APG истакнува дека традиционалните столбови за далноводи не се добро прифатени во различни делови од земјата, па затоа целта на инсталирање столбови во форма на животински скулптури е да се постигнат позитивни реакции од јавноста.
За да се реализира проектот, мора да се решат неколку отворени прашања. Станува збор за потребата од дополнителен челик, ефикасност на трошоците и еколошки отпечаток. Концептот ја освои наградата за дизајн „Ред Дот“ за 2025 година во категоријата електрификација и декарбонизација. Минијатурните модели ќе бидат изложени во Музејот „Ред Дот“ во Сингапур до октомври 2026 година.
