Јапонија испрати повеќе од 2.000 пожарникари за да се борат со најголемиот шумски пожар во земјата во последните три децении. Најмаку едно лице е потврдно дека починало во пламените, кои опожариле повеќе од 5.200 хектари земја во северниот јапонски град Офунато, според Агенцијата за пожарите и управување со катастрофи (FDMA).
Минатиот месец во регионот имало најмалку дожд во период од
повеќе од 20 години. Забележани се само 2,5 милиметри дожд, многу помалку од просечните 41 милиметри во февруари.
Приближно 4.600 лица сè уште се под наредби за евакуација, додека пожарот продолжува да гори. Околу 2.000 луѓе веќе ја напуштиле областа и се сместиле кај пријатели или роднини, а повеќе од 1.200 се евакуирани во засолништа.
Пожарите горат во шумска област во префектурата Ивате, која е втора по големина во Јапонија и има втора најниска густина на население во земјата. Повеќе од 80 згради се оштетени до сега, иако FDMA наведе дека деталите сè уште се проценуваат.
„Иако е неизбежно дека пожарот ќе се прошири до некаков степен, ќе ги преземеме сите можни мерки за да осигуриме дека нема да има влијание врз домовите на луѓето“, изјави премиерот Шигеру Ишиба во парламентот.
Илјадници пожарникари од 14 префектури, вклучувајќи го и Токио, се испратени да се борат против пожарите. Се користат најмалку 16 хеликоптери, а сликите покажуваат како тие фрлаат вода на ридовите кои горат.
Како и во многу други земји, Јапонија ја забележа најтоплата година во 2024 година од кога се водат записи. Тешко е да се утврди дали климатските промени ги предизвикале или влошиле специфичните пожари, бидејќи и други фактори, како што се промените во начинот на користење на земјата, се релевантни. Меѓутоа, Меѓувладината панел за климатски промени (IPCC) вели дека климатските промени ја зголемуваат веројатноста за создавање на временски услови што се поволни за ширење на шумски пожари.
