Говорејќи на Американско-саудискиот инвестициски форум во Вашингтон, Маск оцени дека во следните „10 до 20 години“ традиционалните работни места повеќе нема да бидат неопходни за мнозинството луѓе.
„Вештачката интелигенција и хуманоидните роботи практично ќе ја елиминираат сиромаштијата,“ рече тој, додавајќи дека човештвото мора да се подготви за длабоки структурни промени.
Маск – кој стои зад Tesla, SpaceX и стартапот xAI – објасни дека во иднина работата ќе биде „како хоби“: нешто што ќе се прави доброволно, како спорт или градинарство.
„Ќе можете да одите во продавница и да купите зеленчук, или сами да го одгледате – што е многу потешко, но некои луѓе го прават затоа што уживаат во тоа. Така ќе биде и со работата – опционална,“ рече Маск.
Извор: Index.hr
