Дали сте слушнале за градот Проспера во Хондурас? Ако не, не брзајте да се загрижите – дури и многу жители на Хондурас кои живеат во неговата близина не знаат за него. Овој град е приватна зона која функционира како „Зона за вработување и економски развој“ (ZEDE) на островот Роатан.
Градот беше основан во 2017 година од страна на колумбискиот претприемач Ерик А. Бримен, со цел да создаде иновативен урбан модел кој ги комбинира технолошките иновации, луксузот и слободата за бизнисите – брзо основање на компании, инфраструктура прилагодена за претприемачи и дигитални номади, ниски даноци на доход и заработувачка, како и многу други погодности што треба да привлекуваат странски инвестиции.
Проспера е основана со поддршка на тогашниот претседател на Хондурас, Хуан Орландо Ернандез, преку Законот за ZEDE зони (Зони за вработување и економски развој), кој овозможува создавање автономни зони на територијата на Хондурас, со свои закони, даночни системи и владини структури.
Меѓутоа, по промената на власт во 2022 година, Законот за ZEDE зони беше прогласен за неуставен, бидејќи го нарушуваше основниот суверенитет, територијалниот интегритет и демократските принципи на Хондурас. И покрај тоа, Проспера го тужела Хондурас и продолжила да функционира.
Градот нема класичен градоначалник, но функциите на оваа позиција ги исполнува техничкиот секретар, Хорхе Колиндрес. Градот се управува од страна на компанијата „Хондурас Проспера Инк.“, поддржана од инвеститори од Силиконската долина како Питер Тил, Марк Андресен и Сам Алтман.
Во него живеат помалку од 2.000 луѓе, од кои мнозинството се е-резиденти. На територијата на градот, кој зафаќа околу 2,5 квадратни километри, постојано живеат околу 200 луѓе, додека уште толку секојдневно работат тука.
Ако сакате да влезете во Проспера, мора да поминете низ контролната точка со вооружени чувари, кои ќе ви издадат привремена туристичка дозвола за влез и ќе го гарантираат „безбедноста на сите лица во градот“.
