Од мострите не се утврдени присуство на тешки метали.
Од институцијата нагласуваат дека дежурните и приправни екипи продолжуваат да работат и за време на викендот, анализирајќи ги добиените мостри од училиштата, како и биолошки материјали доставени претходните денови, со цел навремено и ефикасно справување со ситуацијата.
Покрај водата, ИЈЗ потсети дека претходните резултати од анализите на храна и работни површини од истото училиште откриле фекални бактерии Enterobacteriaceae во мусаката и на неколку локации во кујната и училиштето, што укажува на сериозни пропусти во хигиената.
Од седумте примероци на биолошки материјал доставени од деца со симптоми, шест биле позитивни на норовирус, потврди Институтот.
За дополнителните мостри што пристигнале од уште девет училишта, јавноста ќе биде информирана во понеделник. ИЈЗ истакнува дека останува во континуирана комуникација со сите надлежни институции и ќе ги објави сите нови информации веднаш по нивното добивање.
