Тамара Тодевска, како една од најпопуларните и најценетите македонски изведувачи, ќе настапи со посебен концерт, исполнет со македонска музика и песни кои ќе ги соединат срцата на сите присутни, во знак на поддршка за градот и неговите жители.
Целта на концертот е да се соберат средства за помош на семејствата кои го загубија најблискиот, како и за оние кои се повредени и се во процес на опоравување. Вашата поддршка и присуство ќе бидат од огромна важност за граѓаните на Кочани во овој тежок момент.
Во деновите што следат, ќе објавиме повеќе информации за влезниците и начинот на кој можете да ги набавите. Повикуваме сите љубители на музиката и хуманоста да се приклучат на овој важен настан и да дадат свој придонес во оваа заедничка солидарна акција.
Зошто да дојдете?
- Да покажеме хуманост и љубов за заедницата.
- Да пееме македонска музика, да пееме за Кочани.
- Да бидеме дел од некоја голема и важна промена.
Сите средства кои ќе бидат собрани ќе бидат насочени за помош на повредените и семејствата на жртвите од трагедијата во Кочани.
Тамара Тодевска и МКЦ Скопје ве очекуваат да бидете дел од овој хуманитарен настан.
Вашата поддршка може да направи разлика. Сите да создаваме светлина во тешки времиња.
