Huawei го претстави новиот WATCH GT Runner 2, паметен часовник наменет за тркачи, кој од денес е достапен и на македонскиот пазар. Уредот нуди напредно GPS позиционирање, анализа на тренинг и лесен дизајн, со цел подобрување на перформансите и следење на резултатите.
Новиот WATCH GT Runner 2 е дизајниран за рекреативни и професионални тркачи, со фокус на прецизност, удобност и детална анализа на тренингот. Часовникот овозможува планирање на тренинзи, следење на напредок и оптимизација на резултатите при трчање.
Развојот на уредот е поддржан од Елиуд Кипчоге, двоен олимписки шампион и еден од најуспешните маратонци во светот. Во соработка со Huawei експерти и DSM-Firmenich Running Team, создаден е уред кој комбинира спортска наука и технологија, наменет за корисници од различни нивоа.
WATCH GT Runner 2 користи 3D плавајачка антена и оптимизиран дизајн за прецизно GPS позиционирање, што овозможува стабилно следење на рутите дури и во урбани средини или тунели.
Дополнително, вграден е алгоритам за неинвазивно одредување на лактатниот праг, како и функција за мерење на моќта при трчање. Овие алатки овозможуваат детална анализа на интензитетот на тренингот и оптоварувањето на телото.
Функцијата Intelligent Marathon Mode нуди поддршка за време на трки преку следење на перформансите и давање препораки за одржување на ритамот. Вклучува и потсетници за хидратација и внес на енергија.
Часовникот тежи 43,5 грама и има ултра-танко куќиште од наномодифицирана титаниумска легура. Достапен е во три бои: Dawn Orange, Dusk Blue и Midnight Black.
AirDry ткаената нараквица обезбедува добра вентилација и отпорност на пот, додека дополнителната флуороеластомер нараквица е наменета за активности на отворено.
WATCH GT Runner 2 нуди и персонализирани watchface-ови, пристап до Huawei Health+ со три месеци бесплатна употреба и Multipass предности за премиум фитнес апликации.
