Поради големата побарувачка во Кина, глобалниот пазар на паметни часовници забележал раст од 8% во вториот квартал на оваа година, а Huawei се најде на првото место по испораките, престигнувајќи го Apple.
Според новите податоци на Counterpoint Research, Huawei во вториот квартал на 2025 година ја зазеде првата позиција на глобално ниво по испораките на паметни часовници. Благодарение на раст од 52%, успеале да го надминат Apple по уделот во испораките, сега држат 21% од пазарот.
Што се однесува до целокупниот пазар, аналитичарите на Counterpoint истакнуваат дека во вториот квартал на оваа година забележан е раст од 8%, што претставува големо враќање од повеќемесечен пад. Клучна улога во овој опоравок имала кинеската побарувачка, со оглед на силниот раст на локалните брендови. Така, Xiaomi ги зголемил испораките за 38%, а Imoo за 21%.
Од друга страна, Apple и Samsung имале пад на испораките на глобално ниво од 3%, иако Apple сè уште доминира во сегментот на напредни паметни часовници, особено благодарение на моделот Watch Ultra 2, кој во септември ќе добие уште подобрена верзија.
Аналитичарите предвидуваат дека пазарот на паметни часовници ќе продолжи да расте и во текот на 2025 година, со очекуван годишен раст од околу 7%.
