Млада воспитувачка од градинка на истокот од Хрватска ја шокираше јавноста со своето однесување. Родителите останаа во неверица откако беше потврдено дека воспитувачка во градинка е уапсена под сомнение за дистрибуција на детска порнографија. На почетокот, веста одекна меѓу родителите како неверојатна гласина, но Градската администрација, основачот на градинката, потврди дека извештајот е точен.
Воспитувачката, е во притвор од 4 ноември. Таа е обвинета за кривично дело воведување деца во порнографија, што носи казна од една до осум години затвор. Неофицијалните информации велат дека кај неа се пронајдени фотографии од деца на возраст од 12 до 14 години во несоодветни пози, кои наводно ги проследила до други лица и ги објавила на педофилски веб-страници.
Градинката во рок од 24 часа објави дека воспитувачката отсуствувала од работа без претходна најава на почетокот на ноември, а во системот била евидентирана како болна. Дури на 26 ноември пристигнало официјалното известување од судот за притвор, по што градинката веднаш ги контактирала родителите и ја започнала постапката за вонредно отпуштање. Тие наведуваат дека сите законски безбедносни проверки за време на вработувањето биле правилно спроведени и дека во моментов им обезбедуваат на родителите поддршка и информации во обем дозволен со закон. Сè уште не е познато дали на спорните фотографии се вклучени деца од самата градинка.
