Кога станува збор за хороскопските знаци кои не се справуваат со стресни ситуации, еден знак несомнено е на врвот на листата.
Раковите се познати по тоа што нивните емоции брзо се разгоруваат, не само кога се заљубени или тажни, туку и кога треба да паничат.
Раковите едноставно имаат неверојатна способност да направат слон од мува, сето тоа со доза на драма што би можела да им парира на најдобрите сапунски опери.
Зошто се такви?
Раковите се исклучително емотивни и сочувствителни, а нивната интуиција понекогаш функционира дури и кога тоа не е потребно. Кога ќе почувствуваат дека нешто не е во ред, дури и ако тоа е само мало недоразбирање на работа или порака која доцни пет минути, нивниот мозок автоматски оди во црни сценарија.
Ракот не само што ќе размислува дали се е во ред, туку ќе развие цела драма во неговата глава: „Што ако ова значи дека нешто не е во ред? Можеби згрешив. Или некој ми е лут?”.
Тој паничи тивко, но интензивно. Не се тие што ќе викаат гласно и ќе мавтаат со рацете, нивната паника е внатрешен хаос. Ќе се повлече во својот свет, ќе го анализира секое можно сценарио и можеби ќе испрати неколку пасивно-агресивни пораки со надеж дека ќе добие потврда дека се е во ред.
Ако видите како Рак молчи и ги гризе ноктите, знајте дека неговиот мозок моментално е во петта брзина.
Иако Раковите паничат, нивната грижа секогаш доаѓа од местото на љубовта. Ги фаќа паника затоа што се грижат за работата, семејството и пријателите.
Нивната хиперемотивна природа често ги тера да се грижат за работи кои никој друг не би ги забележал, но токму затоа луѓето ги сакаат. Кога хаосот ќе заврши, Ракот секогаш ќе биде тој што ќе си се смее и ќе рече: „Можеби пак малку претерав“.
