Австралиска инфлуенсерка е обвинета дека намерно го труела своето дете за да добие донации и со тоа да го зголеми бројот на следбеници на Интернет.
Тврдела дека нејзиното дете се бори со неизлечива болест и дека преку социјалните мрежи собира пари за лек, а всушност го дрогирала едногодишното дете, а потоа го снимила.
Во октомври минатата година детето било примено во болница поради сериозни здравствени проблеми. Утврдено е дека жената во периодот од август до октомври на детето му дала неколку лекови без одобрение од лекар. Добивала неодобрени лекови на различни начини, а остатокот од лековите кои не му ги дала на детето ги давала на друго лице во нејзината куќа, пишува Би-би-си.
По повеќемесечна истрага, 34-годишната жена беше обвинета за тортура, давање отров, снимање содржини за социјалните мрежи со експлоатирано дете и измама. Таа собрала 60.000 австралиски долари или повеќе од 36.000 евра преку донации на GoFundMe. Таа дејствувала сама и утре треба да се појави пред Судот во Бризбејн.
„Нема зборови за тоа колку одвратни се престапите од ваква природа“, вели Пол Далтон инспектор во полицијата во Квинсленд.
