Јапонските автомобилски гиганти, Хонда и Нисан, најавија планови за спојување. Со овој потег, тие ќе станат трет најголем производител на автомобили по продажба на глобално ниво.
Двете компании соопштија дека потпишале меморандум за разбирање, а во разговорите за интеграција ќе биде вклучена и помала членка на алијансата на Нисан, Мицубиши Моторс.
Јапонските производители на автомобили се соочуваат со предизвици да ги достигнат големите конкуренти во сегментот на електрични возила (EV), како и со потребата за намалување на трошоците.
Ако дојде до спојување, новата компанија би можела да вреди повеќе од 50 милијарди долари (39,77 милијарди фунти), според пазарната капитализација на сите три компании. Хонда во почетокот ќе го води новото раководство, кое ќе ги задржи принципите и брендовите на секоја компанија, изјави претседателот на Хонда, Тошихиро Мибе.
Целта е договорот да биде финализиран до август 2026. година – додаде тој.
