Голем број познати личности, вклучително и актери и пејачи, се исплашени до смрт да бидат повикани да сведочат против озлогласениот рапер Шон Комбс, познат како Диди, кој се наоѓа во притвор во Бруклин додека го чека судењето за трговија со луѓе и рекетирање.
Ова го откри експерт за односи со јавноста за кризи на познати личности од Лос Анџелес.
Откако беше уапсен во септември, откако видеото на кое Диди ја напаѓа поранешната девојка Кеси Вентура во лобито на хотелот стана вирално, холивудските ѕвезди кои често и среќно се дружеа со основачот на „Bad Boy“, молчат.
„За разлика од Харви Вајнштајн или Р. Кели, одговорот на апсењето на Диди во голема мера е пригушен во заедницата на славните“, изјави експертот за кризен ПР на славните, Ерик Шифер за Mirror.
Како еден од најмоќните светски музички продуценти со низа врски со холивудски ѕвезди, Диди беше познат по тоа што беше домаќин на бескрајна низа познати личности од А-листата на неговите сега озлогласени забави. Сепак, никој од нив не застана во одбрана на раперот по неговото апсење, бидејќи, како што истакна Шифер, тие се загрижени за себе и дека ќе треба да сведочат на суд.
„Славните личности молчат затоа што се исплашени до смрт дека нивните имиња ќе бидат извалкани и критикувани од обожавателите за нивните врски со Диди, а уште полошо, дека ќе бидат повикани да ги откријат тајните на Диди“, рече Шифер.
Некогаш главна фигура во музичката индустрија, тој сега е во центарот на сериозните обвинувања за трговија со луѓе и сексуална експлоатација. Музичкиот магнат, кој се соочува со обвиненија за рекет, проституција и сексуална трговија, што тој ги негира, беше обвинет за организирање експлицитни забави познати како „Freak Offs“ во раните 2000-ти. Забавите, наводно, биле „разработени афери од висок профил“, кои федералните власти ги опишуваат како повеќедневни секс забави.
Еден месец откако на Диди повторно му беше одбиена кауција, неговите адвокати неодамна поднесоа ново барање на 8 ноември да биде ослободен од притвор во очекување на судењето на 5 мај. На раперот веќе му беше одбиена кауцијата во септември, а судијата рече дека владата обезбедила доволно докази дека Комбс е опасност за заедницата и претставува ризик од попречување на правдата и заплашување на сведоци.
Истиот судија рече и дека предложениот пакет кауција за одбраната е „недоволен“.
Паф Диди моментално се соочува со 100 обвиненија за сексуален напад (комбинација од кривични и граѓански обвиненија) и е задржан во Метрополитен притворниот центар (MDC) во Бруклин, Њујорк, во очекување на судење. Затворот беше опишан како пекол на земјата.
Така го опиша адвокатот Ендрју Далак, бранителот на затвореникот Едвин Кордер, кој почина откако беше повреден во тепачка.
