Создадени помеѓу 14 и 16 век, британските војници ги ограбиле бронзите од Бенин од денешна Нигерија во 19 век. Од ограбените статуи земени за време на експедицијата во Бенин во 1897 година, двесте беа сместени во Британскиот музеј, а останатите беа распространети низ другите европски институции.
Холандија се согласи да го врати својот дел од бронзата од Бенин. 119-те статуи се главно сместени во Лајден и сега ќе бидат дадени на Националната комисија за музеи и споменици на Нигерија.
Оваа одлука доаѓа во период кога владите и музеите во Европа и во Северна Америка се повеќе се обидуваат да ги решат сопственичките спорови за предметите ограбени за време на колонијалните времиња.
Олубиб Холовеј, директорот на комисијата, отпатува во Холандија за да го потпише договорот за трансфер за време на церемонијата во музејот Волкенкунде, по повод, како што рече, најголемото поединечно враќање на антиквитети ограбени од Бенин.
„Им благодариме на Холандија за нивната соработка и се надеваме дека ова ќе биде добар пример за другите нации во светот во однос на репатријација на изгубени или ограбени антиквитети“, рече Холовеј.
Нигерија официјално побара враќање на стотици предмети од музеите ширум светот во 2022 година. Истата година, од музеј во Лондон беа вратени околу 72 предмети, додека 31 беа вратени од музеј во Род Ајленд.
Одлуката за враќање на предметите од холандската колекција уследи по проценката на комисијата задолжена да ги разгледа барањата на земјите за враќање на артефактите во државните музеи. Тоа беше петти пат кога холандските културни институции враќаат предмети врз основа на препораката на комитетот.
„Културното наследство е од суштинско значење за раскажување и живеење на историјата на една земја и заедница“, рече во изјавата Епо Бруинс, холандски министер за култура и образование и додаде: „Бонзите од Бенин се неопходни за Нигерија. Добро е што се враќаат назад“.
Комитетот моментално ги разгледува барањата од Шри Ланка, Индија и на Индонезија за враќање на предметите. Во 2023 година, два холандски музеи вратија стотици културни артефакти назад во Индонезија и во Шри Ланка, земени, честопати насилно, за време на колонијалната ера.
Во Британскиот музеј сè уште трае дебатата околу барањата за враќање на културното наследство во нивните матични земји. Во лондонскиот музеј се сместени над 900 бенински бронзи. Додека музејот инсистира дека имал позитивни дискусии со Нигерија за ова прашање, скандалот во 2023 година околу кражбите од музејот предизвика вознемиреност во Нигерија.
