Песната се врти околу повторувањето на фразата „sigma boy, sigma boy“, промовирајќи лик на „посебно момче“ што сите девојчиња се трудат да го освојат, додека тој останува ладен, недостижен и дистанциран. Во преводен стих, како: „Толку сум посебен, што ќе ти треба година за да ме освоиш“, се препознава модел на емоционално недостапен, доминантен маж – слика што уште во најрана возраст наметнува патријархални стереотипи и нерамноправни односи меѓу половите.
Авторот на песната, Михаил Чертишчев, инаку татко на една од изведувачките, тврди дека текстот е беззначаен и дека станува збор за забавна и ритмична содржина. Но критиките не престануваат – меѓу нив е и германската политичарка и европратеничка Нела Рил, која повика на забрана на песната, оценувајќи дека се користи како „мека културолошка пропаганда“ за ширење проруски и конзервативни вредности.
Некои градинки веќе ја повлекоа песната од нивните плејлисти, предупредувајќи на потенцијалната штетност врз развојот на децата и нивниот поглед на светот.
