Североисточната држава Трипура нема историја на меѓуверски судири, но сега на чело со премиерот Нарендра Моди на власт, ситуацијата се менува.
Индиските медиуми неодамна пренесоа дека во немирите кои се случиле во селото Џер Џери, во област во североисточна Индија, настрадале продавници на муслимани.
Тензиите најпрво се разгореле помеѓу локалните Хиндуси и муслиманите во областа, откако муслимански возач на автомобил одби да плати претплата на локалниот хинду клуб за Дурга Пуџа, голем хинду фестивал. Возачот и сопатникот, двајцата муслимани, наводно биле нападнати и од членовите на клубот.
Кадамтала, е со мешано население од Хиндуси и муслимани, при што Хиндусите сочинуваат повеќе од 64 отсто од населението, а муслиманите сочинуваат скоро 35 отсто. Муслиманите, најголемата малцинска група во државата, исто така сочинуваат околу 9 отсто од населението на Трипура од 3,6 милиони.
Муслиманите во Кадамтала и соседните области во Северна Трипура, каде мнозинството е хинду, традиционално плаќаа претплати за прославите на Дурга Пуџа како знак на хармонија меѓу Хиндусите и муслиманите.
Судирот на хинду и муслиманските групи се разгорел на 6 октомври, при што биле распоредени полициски сили. Според новинарските извештаи, полицијата жестоко ги нападнала толпите и отворила оган.
Во судирите биле повредени 17 лица, главно полицајци, а едно лице загинало.
